FERUS

FERUS

apud Iustinum l. 37. c. 23. ubi de Mithridate, Puer tutorum insidias passus est, qui eum fero equo impositum equitare iacularique cogebant etc. Equus est: ut apud Virg. Aen. l. 2. v. 51.

In latus inque feri curvam compagibus alvum

Contorsit:

et Manil. Astronomicῶn l. 5. v. 77. 348. et 643. ex emendatione Scaligeri: fortassis etiam l. 4. v. 795. Sic Nazarius Panegyr. Constantini c. 29. Quos insultans ferus poterit. Arnob. adv. Gentes l. 4. p. 181. Saturnus induit formam feri in Medea,

Perite in stabulis immittens frenos feris.

Hinc ferinus, Virg. l. XI. Aen. v. 571.

Armentalis equae mammis, et lacte ferino

est equinus; et Poetae passim Centauro feriferos vocant, a forma, quâ feros i. e. equos dimidiatâ sui parte repraesentare illos fingebant Berneggerus ad Iustin. Aliam vocis notionem vide supra in voce Fera.